काठमाडौं । नेकपा (एमाले) का नेता डा. भीम रावलले आफ्नो बाँकी राजनीति जनताको चाहनामा निर्भर रहने बताएका छन् । सोमबार काठमाडौंमा आयोजित एक कार्यक्रमलाई सम्बोधन गर्दै उनले यस्तो बताएका हुन् ।

“राजनीतिक पार्टी, सङ्गठन, मोर्चा भनेको एउटा माध्यम मात्रै हो, त्यो जनताका लागि हुनुपर्छ, योचाहिँ अनिवार्य हो । मैले जे गर्छु, जनताका लागि गर्ने हो । त्यसो भएपछि जनताकै चाहनाअनुसार भावी राजनीति तय गर्छु,” उनले भने ।

उनलाई पत्रकारहरूले नयाँ पार्टी खोल्ने हो रु भनेर प्रश्न गरेका थिए । जवाफमा उनले भने, “जनताको चाहनाअनुसार जाने हो, यदि तपाईंहरूजस्तो जनताले भने भने हुँदैन भन्ने हुँदैन ।”

फरक प्रसङ्गमा रावलले पार्टीको आन्तरिक चुनावमा प्रतिस्पर्धा गरेकै कारणले कसैलाई किनारकृत गर्नु जनताको बुहदलीय जनवादविरुद्ध भएको बताए ।

“सुशासन मान्ने हो भने, जबज मान्ने हो भने पार्टीको आन्तरिक चुनावमा प्रतिस्पर्धा गरेकै कारणले कसैलाई पार्टीबाट किनारकृत गर्नु गलत हो,” उनले भने ।

रावल दशौं महाधिवेशनमा केपी शर्मा ओलीलाई अध्यक्ष पदमा चुनौती दिने एक मात्रै नेता हुन् । त्यसयता उनी पार्टीबाट किनारकृत भएका छन् । उनलाई पछिल्लो संसदीय निर्वाचनमा टिकटसमेत पाएका दिइएन ।