धनगढी । धनगढीमा रहेको सुभारम्भ मन्टेश्वरी स्कुलले आफ्नो ५ औ वार्षिक उत्सव तथा दिक्षान्त समारोह कार्यक्रम धनगढीमा विविध कार्यक्रहरुको आयोजना गरी सम्पन्न भएको छ । मन्टेश्वरी स्कुलका संस्थापक प्रिन्सिपल जानकी भट्टको अध्यक्षता तथा धनगढीउपमहानगरपालिका वडा नम्बर ८ का वडा अध्यक्ष जुगराम चौधरीको प्रमुख प्रमुख आतिथ्यमा एक समारोहका विच कार्यक्रम सम्पन्न भएको हो ।

कार्यक्रममा बोल्दै प्रमुख अतिथि चौधरीले भविष्यको मूल आधार बालबालिकाहरुका पक्षमा सकारात्मक, सिर्जनात्मक र व्यवहारिक दिशानिर्देशका साथ सहज वातावरणमा शिक्षासँगै संस्कारको पाठ सिकाउन आवश्यक रहेको बताए । उनले उचित संस्कार, रहनसहन, बोली व्यवहारका साथै शिक्षामा नविनताको खोजी गरेर २१औं शताब्दीका लागि विद्यार्थीहरु तयार गर्नुपर्नेमा जोड दिए ।

त्यस्तै कार्यक्रमका विशिष्ट अतिर्थी प्यापसन धनगढीका नगर सभापति धुव्र सिंहले बालबालिका सबल र सक्षम भए देशको जग बलियो हुने बताए । उनले बलियो जगको आडमा मात्र असल र राम्रा काम गर्न सकिने भएकोले बालबालिकालाई सक्षम र धारिलो बनाउन शिक्षासँगै संस्कार र संस्कृतिको पाठ पढाउन जरुरी रहेको जानकारी दिए ।

स्कुलले मन्टेश्वरी तालिम प्राप्त शिक्षिकाहरुद्वारा मन्टेश्वरी बिधिबाट विद्यार्थीहरुलाई पढाईरहेको संञ्चालक मोहन राज ओझाले जानकारी दिए । खेलको बिधीबाट शिक्षण सिकाई र सीप विकासमा ध्यान दिने गरिएको मन्टेश्वरी विद्यालयमा बालबालिकाको आहार, अनुशासन, शिक्षा, संस्कार, चाडपर्व, जन्मदिनलाई समेत मध्यनजर गर्दै विभिन्न समारोहको आयोजना हुने गरेको उनको भनाई छ । 

विद्यार्थीहको चौतर्फी विकासका लागि पढाइसँगै मौलिक चाडपर्व, रीतिरिवाज तथा संस्कारका कार्यक्रमहरु विद्यालयले गर्दै आएको उनले बताए । कार्यक्रममा बिधार्थीहरुका फरक फरक समुहले नृत्य, लगायत बिभिन्न सिर्जनात्मक प्रस्तुती राखेका थिए । सो अबसरमा बिभिन्न बिधामा उत्कृष्ट बनेका बिद्यार्थीलाई प्रमुख अतिथि र विशिष्ठ अतिथिहरुले पुरस्कारस्वरुप मेडल प्रदान गरे ।