धनगढी । राष्ट्रिय स्वतन्त्र पार्टी (रास्वपा) को सुदूरपश्चिम प्रदेश सहमहामन्त्रीमा करिश्मा कठरिया चयन भएकी छन् ।

२७ र २८ पुसमा धनगढीमा बसेको रास्वपाको पूर्ण बैठकले पार्टीको संशोधित विधानअनुसार सहमहामन्त्रीमा कठरीयालाई सर्वसम्मत रूपले चयन गरेको हो ।

उनी यसअघि नागरिक उन्मुक्ति पार्टी (नाउपा) को केन्द्रीय सहसचिव थिइन् । तर कठरिया पछिल्लो १० महिनादेखि भने रास्वपामा आवद्ध रहेको उक्त पार्टीले जनाएको छ ।

रास्वपाका प्रदेश सभापति इन्जिनियर प्रकाश विष्टले सहमहामन्त्री चयन भएकी कठरियाको राजनीतिक अनुभवले पार्टीलाई थप सशक्त र गतिशील बनाउने अपेक्षा गरिएको बताए ।