धनगढी । प्रधानमन्त्री कप राष्ट्रिय महिला क्रिकेट प्रतियोगिताको सुपरफोर खेलमा विभागीय टोली एपिएफले बागमती प्रदेशविरुद्ध शानदार जित निकालेको छ । फाप्ला क्रिकेट मैदानमा आज भएको खेलमा एपिएफले बागमतीमाथि १० विकेटको रवाफिलो जित निकालेको हो । 

टस हारेर पहिले ब्याटिङ गरेको बागमतीले निर्धारित १८ ओभरमा आठ विकेटको नोक्सानमा ४२ रनमात्रै जोड्न सक्यो । एफिएफको कसिलो बलिङसामु बागमतीका खेलाडी टिक्न सकेनन् । यशु पाण्डेय, सविका यादव र एलि यादवले सामान आठ(आठ रनको योगदान गरीन् । 

बागमतीलाई रोक्ने क्रममा एपिएफकातर्फबाट सुमन विष्टले सर्वाधिक तीन विकेट लिइ प्लेयर अफ द म्याच घोषित भईन् । रेखा रावल र बिनु बुढाले सामान दुई(दुई विकेट लिइन् । 

झिनो लक्ष्य पछ्याउन जवाफी ब्याटिङमा उत्रेको एपिएफले ६.५ ओभरमै लक्ष्य भेट्टायो । एपिएफको जितमा ममता चौधरीले २३ र राजमती ऐरीले १४ रनको योगदान दिईन् ।