धनगढी । काँग्रेस, एमाले, नेकपा र रास्वपाले फागुन २१ गते हुने प्रतिनिधि सभा सदस्यको निर्वाचनमा सुदूरपश्चिमबाट ३६ जनालाई समानुपातिक उम्मेदवार बनाएका छन्।

चार पार्टीले बुझाएको उम्मेदवारको बन्द सूचीमा सुदूरपश्चिमबाट काँग्रेसले सबैभन्दा बढी ११ जनाको नाम समेटेको छ। नेकपा एमाले तथा नेपाली कम्युनिस्ट पार्टीले १०र१० जनालाई समानुपातिक उम्मेदवार बनाएको छ भने राष्ट्रिय स्वतन्त्र पार्टीले सुदूरपश्चिमबाट पाँच जनालाई उम्मेदवार बनाएको जनाएको छ। यद्यपि उसले बुझाएको समानुपातिक सूचीमा सुदूरपश्चिम ठेगना उल्लेख भएका दुई जना उम्मेदवार मात्रै छन्।

नेपाली काँग्रेसले प्रदेशका सबै जिल्लाबाट समानुपातिक उम्मेदवार चयन गरेको छ। अन्य दलले भने प्रदेशका सबै जिल्लाबाट उम्मेदवार बनाएका छैनन्। नेकपा र एमालेले भने पाँचरपाँच  जिल्लाबाट मात्रै उम्मेदवार खडा गरेका छन्। नेकपा एमालेलेले दार्चुल, बझाङ, कञ्चनपुर, कैलाली र अछामबाट मात्रै उम्मेदवार बनाएको छ भने नेकपाले डोटी, बाजुरा, अछाम, कैलाली र कञ्चनपुरबाट मात्रै उम्मेदवार बनाएको छ।

एमालेले बैतडी, डोटी, बाजुरा र डडेल्धुराबाट उम्मेदवार बनाएको छैन भने नेपाली कम्युनिस्ट पार्टीले बैतडी, दार्चुला, डडेल्धुरा र बझाङबाट समानुपातिक उम्मेदवार बनाएको छैन।

काँग्रेसले कैलालीबाट यज्ञनिधि कोइराला र रिता चौधरी, कञ्चनपुरबाट कल्पना केसी र तौला राना, दार्चुलाबाट करवीर कार्की, बैतडीबाट दीपेन्द्र बम, बझाङबाट सुन्दर स्नेही, बाजुराबाट विद्या तिमिल्सिना, डोटीबाट प्रसिस महरा र डडेल्धुराबाट हरिना कामीलाई समानुपातिक उम्मेदवार बनाएको हो।

नेकपा एमालेले कैलालीबाट चार जना  लिला भण्डारी, हरिशङ्कर योगी, इच्छा चौधरी र सावित्रा घिमिरेलाई समानुपातिक उम्मेदवार बनाएको छ भने कञ्चनपुरबाट निरुदेवी पाल र कृपाराम राना, बझाङबाट एलबी रावल र भागरथी चन्द सिंह, अछामबाट बमबहादुर बिसी र दार्चुलाबाट जयेन्द्रसिंह ऐतवालको नाम समानुपातिक सूचीमा समावेश गरेको छ।

नेपाली कम्युनिस्ट पार्टीले कैलाली र कञ्चनपुरबाट तीनरतीन जना, अछामबाट दुई तथा डोटी र बाजुराबाट एकरएक जनालाई समानुपातिक उम्मेदवार बनाएको छ। नेकपाले कैलालीबाट प्रेम बयक, कमला ज्ञवाली र गणेश विक तथा कञ्चनपुरबाट रामअवतार राना थारू, वीरबहादुर बुढाथोकी र निराशा चौधरीलाई समानुपातिक उम्मेदवार बनाएको छ। अछामबाट भने निर्मला साउँद र भीमबहादुर भण्डारी, डोटीबाट अञ्जीता श्रेष्ठ तथा बाजुराबाट विनिता बिक नेकपाको समानुपातिक उम्मेदवार बनेका छन्।

राष्ट्रिय स्वतन्त्र पार्टीले समानुपातिक सूचीमा सुदूरपश्चिमका पाँच जना परेको जनाएको छ। प्रदेश सभापति इन्जिनियर प्रकाश बिष्टले सुदूरपश्चिमबाट समानुपातिकतर्फ पाँच जनाको नाम समावेश भएको बताएका हुन्। उनका अनुसार कञ्चनपुरबाट प्रतिभा रावल र सोमप्रसाद चौधरी, अछामबाट टीका सङ्ग्रौला, कैलालीबाट अनुपकुमार उपाध्याय, करिस्मा कठरिया र गीता चौधरी सुदूरपश्चिमबाट  रास्वपाको समानुपातिक उम्मेदवार हुन्।