सोमबार, २६ कार्तिक २०८१
डोटीमा कोठाभित्र मृत फेटिएका वृद्धको हत्या आरोपमा युवक पक्राउ
धनगढी । डोटीको कोठामै मृत भेटिएका वृद्धको हत्या अरोपमा एक युवक पक्राउ परेका छन ।
दीपायल सिलगढी नगरपालिका–६, सिलगढीका ७५ वर्षीय कालुसिंह विष्टको हत्या आरोपमा प्रहरीले दीपायल सिलगढी–६ सिलगढी बस्ने २२ वर्षीय सरोबर श्रेष्ठलाई पक्राउ गरेको हो ।
परिवारका सदस्यहरूले बिहीबार विष्ट हराएको भन्दै प्रहरी कार्यालयमा दिएको जाहेरीका आधारमा प्रहरीले खोजतलास गर्दा वृद्धको शव विहिबार घरकै कोठा भित्रै हत्या गरेर बाहिरबाट ढोकामा ताल्चा लगाइएको अवस्थामा फेला पारेको थियो ।
हत्यामा संलग्न भएको आरोपमा पक्राउ परेका श्रेष्ठले हत्या आरोप स्वीकारेको प्रहरीले जनाएको छ ।
सोमबार २४, भदौ २०८१ १३:५६
प्रतिक्रिया