आजै बेलुका ८ बजेदेखि मतगणना सुरु हुन्छ : प्रमुख निर्वाचन आयुक्त

४ मंसिर २०७९, आइतवार

काठमाडौँ ,४ मंसिर ।  प्रमुख निर्वाचन आयुक्त दिनेशकुमार थपलियाले आइतबार बेलुका ८ बजेतिरबाट मतगणना सुरु हुने बताए ।

त्यस्तै अबको ८ दिनभित्र प्रत्यक्षतर्फको सबै मतगणना सक्ने बताएका हुन् ।प्रदेश तथा प्रतिनिधिसभा चुनावमा मतदान गर्नका लागि एक जनालाई करिब २ मिनेट लाग्ने बताए ।  

भक्तपुरको लोकन्थलीस्थित युनिक नेपाल एकेडेमी मतदान केन्द्रबाट मतदान गरिसकेपछि सञ्चारकर्मीसँग कुरा गर्दै प्रमुख आयुक्त थपलियाले मतदान छिटो र सहज बनाउन देशैभरका निर्वाचन अधिकृतहरूलाई आग्रह गरेका हुन् ।

त्यस्तै थपलियाले मतदान केन्द्रहरू अपांगमैत्री बनाइएको जानकारी दिए । प्रमुख आयुक्त थपलियाले यस पटक ७० प्रतिशतभन्दा बढी मत खस्ने सम्भावना रहेको बताए । २ दिन बिदा भएकाले पनि मतदानमा नागरिकहरू उत्साहित भएको उनको भनाइ छ ।

Share This:
No News Were Available