धनगढी । नेकपा (एमाले) अछामका पूर्व जिल्ला कमिटी प्रमुख तथा २०७० सालका संविधानसभा सदस्य भरत साउद नेपाली कम्युनिष्ट पार्टीमा प्रवेश गरेका छन्। उनलाई सो पार्टीका नेता भीमबहादुर रावलले एक कार्यक्रमका बीच पार्टीमा स्वागत गरे ।

पार्टी प्रवेशपछि साउदले कम्युनिस्ट आन्दोलनको एकताका लागि आफू पनि सक्रिय भएर योगदान दिन चाहेको बताए। “कम्युनिस्ट पार्टी एकता अभियान जसले नै अघि बढाए पनि सकारात्मक हो,” साउदले भने।

पहिले रावल विरोधी देखिनु हुन्थ्यो अहिले उनकै प्रयासमा नेकपामा जानु भो नि भन्ने प्रश्नमा उनले आफू संधै रावलसितै रहेको मातृभूमी अभियान कम्युनिष्ट हुन्न कि भनेर मात्र जोडिएको थिएन, अहिले सबै मिलेर नेकपा बनेपछि त्यतै लागे ।

साउद २०५० देखि २०५४ सम्म उपसचिव तथा त्यसपछि दुईपटक जिल्ला सचिव ९प्रमुख० रहेका थिए। उनी अछाम क्षेत्र नम्बर २ बाट २०७० सालको संविधानसभा सदस्यका रूपमा निर्वाचित भएका थिए।

यसैबीच, आज धनगढीमा आयोजित नेकपाको ‘एकता सन्देश सभा’ लाई संयोजक प्रचण्ड, सह–संयोजक माधवकुमार नेपाल, नेता भीम रावललगायतले सम्बोधन गर्ने कार्यक्रम छ।