धनगढी । कैलालीको अत्तरियाबाट प्रहरीले ४२ लाख ९७ हजार ५ सय बराबरको अवैध सामान सहित एक जनालाई पक्राउ गरेको छ।

बिहीबार गोदावरी नगरपालिका– २ वीर बहादुर साउदको घरमा कोठा गरी बस्ने डडेल्धुरा आलीताल गाउँपालिका– ४ का ३२ वर्षीय मान बहादुर वली पक्राउ परेका छन्।

इलाका प्रहरी कार्यालय मालाखेतीका कार्यालय प्रमुख प्रहरी नायब उपरीक्षक रण बहादुर चन्द र जिल्ला प्रहरी कार्यालय कैलालीबाट प्रहरी नायब निरीक्षक गजेन्द्र बहादुर चन्दको कमान्डमा खटिएको प्रहरी टोलीले उनी बस्ने कोठामा चेक जाँच गर्दा भन्सार छलीका २ हजार ८२५ थान मोबाइलका डिस्प्ले बरामद गरेको हो। 

प्रहरी नायब उपरीक्षक चन्दले बरामद गरिएको सामान सहित पक्राउ परेका वली नियन्त्रणमा लिई भन्सार कार्यालय बुझाउने तयारी गरिरहेको बताएका छन्।