धनगढी । अत्तरियाको घण्टेश्वरी माध्यमिक विद्यालयको अध्यक्षमा गोकुल भट्ट सर्वसम्मत चयन भएका छन्। गोदावरी नगरपालिका वडा नं १ का अध्यक्ष गोपालदत्त भट्टको अध्यक्षतामा आज (बिहीबार) बसेको विद्यालय व्यवस्थापन समितिको बैठकबाट अध्यक्ष गोकुल भट्ट चयन भएका हुन्।

विद्यालय व्यवस्थापन समितिको कार्यकाल आगामी तीन वर्षका लागि हुनेछ । गोकुल भट्टको अध्यक्षतामा बनेको टिममा दौलतसिंह बोहरा, गोविन्द भट्ट, भवानी थापा मगर, समिता कुमारी भट्ट, र ईश्वरी भट्ट सदस्यका रूपमा चयन भएका छन्।

 विद्यालयका प्रधानाध्यापक दीपक राज भण्डारी सदस्य सचिवको जिम्मेवारीमा चयन भएका छन्। उक्त निर्णयबाट विद्यालयको प्रशासनिक कार्यक्षमता र विकासमा सकारात्मक प्रभाव पार्ने अपेक्षा गरिएको छ।