डोटी । डोटीमा विपिनगरमा कार्कयरत प्रहरी सहायक हवल्दारको ड्युटीमा रहेकोे अवस्थामा मृत्युु भएको छ ।

डडेल्धुराको भागेश्वर गाउँपालिका ५ घर भइ हाल इलाका प्रहरी कार्यालय बिपिनगरमा कार्यत प्रहरी सहायक हवल्दार बहादुर सिंह पालीको एक्कासी मृत्यु भएको जिल्ला प्रहरी कार्यालय डोटीले जनाएको छ ।

उनी बिहान ३ बजेदेख ६ बजे सम्मको कार्यालय ड्युटीमा थिए । ड्युटीमै भएको बेला एक्कासी छाती दुखेर बेहोस भएपछि उपचारको लागि तत्काल स्थानिय बिपिनगर पोलिक्लिनकमा सामान्य चेकजाँच पश्चात थप उपचारको लागी बिहान ४ बजे सेती प्रादेशिक अस्पताल धनगढीको लागी रिफर गरिएको थियो ।

सेती प्रादेशिक अस्पताल धनगढी कैलालीमा साढे ६ बजेतिर पुर्याएको र ६ बजेर ४० मिनेटमा उनलाई डाक्टरले मृत घोषणा गरेको जनाइएको छ ।