धनगढी । कक्षा १२ को परीक्षामा उत्कृष्ट अकं ल्याउने कैलाली मोडेल माध्यमिक विद्यालयका विद्यार्थी नीराजन पाण्डे सम्मानित भएका छन् । 

काठमाडौँमा रहेको नेपाल विज्ञान तथा प्रविधि प्रज्ञा प्रतिष्ठानले आफ्नो ४२ औँ वार्षिक उत्सव तथा पुरस्कार वितरण सभामा पाण्डे सम्मानित भएका हुन् । 

उनलाई शिक्षा विज्ञान तथा प्रविधि मन्त्री विद्या भट्टराईले उत्कृष्ट बिद्यार्थी पुरस्कार हस्तान्तरण गरेकी हुन् ।

यस अघि उनलाई धनगढी उपमहानगरपालिकाले आफ्नो १० औँ स्थापना दिवसका अवसरमा कक्षा १२ को परीक्षामा उत्कृष्ट अकं ल्याएपछि सम्मान गरेको थियो ।