आइतबार, ०९ मङि्सर २०८१
धनगढीमा २ किलो गाँजासहित भारतीय पक्राउ
धनगढी । धनगढी उप–महानगरपालिका–३ चटकपुर स्थित अस्थायी प्रहरी पोष्ट चटकपुरबाट खटिएको प्रहरी टोलीले २ किलो गाँजा सहित एक व्यक्तिलाई पक्राउ गरेको छ।
पक्राउ पर्ने व्यक्ति भारत संग्रौला जिल्ला श्रीपुरका ६५ वर्षीय दलजित सिंह रहेका छन्। शंका लागेर चेकजाँच गर्दा सिंहको साथबाट २ किलो गाँजा फेला परेको प्रहरीले जनाएको छ।
दलजित सिंहलाई नियन्त्रणमा लिएर जिल्ला प्रहरी कार्यालय कैलालीको हिरासत कक्षमा राखिएको र थप अनुसन्धान कार्य भईरहेको बताइएको छ।
शनिबार १५, असार २०८१ १६:१७
प्रतिक्रिया