सोमबार, १० मङि्सर २०८१
बैतडीमा जंगली बँदेलको अक्रमणबाट दुई जना घाइते
बैतडी । बैतडीमा जंगली बँदेलको अक्रमणबाट दुई जना घाइते भएका छन्। जिल्लाको मेलौली नगरपालिका–२ सलेनाका ३२ वर्षीय ओम प्रकाश जोशी र सोही वडा घाङल बस्ने मने दयालकी ९ वर्षीया छोरी करिस्मा दयाल बँदेलकाको अक्रमणबाट घाइते भएका हुन्।
आइतबार दिउँसो घरमै बसिरहेका जोशीमाथि बँदेलले आक्रमण गरी घाइते बनाएको हो, भने बालिकालाई पनि आइतबार करिब ५ बजेको समयमा घर नजिकै घाइते बनाएको हो।
बालिकाको टाउकोमा गम्भिर चोट लागेको छ भने जोशीको खुट्टामा गम्भिर चोट छ। घाइते जोशी र दयाललाई सलेना स्वास्थ्य चौकीमा सामान्य उपचारपछि डडेल्धुरा अस्पताल रेफर गरिएको छ।
पछिल्लो समय बँदेल आक्रमणका कारण जिल्लामा त्रासको वातावरण छ।
सोमबार ०८, माघ २०८० १०:५०
प्रतिक्रिया