काठमाडौं । प्रधानमन्त्री पुष्पकमल दाहाल प्रचण्ड युगाण्डामा सम्पन्‍न असंलग्न राष्ट्रहरुको आन्दोलन नामको उन्‍नाइसौं शिखर सम्मेलनमा सहभागी भई आज स्वदेश फर्कंदै हुनुहुन्छ ।

युगाण्डाको राजधानी कम्पालाबाट आज बिहान २।२५ बजे कतारको दोहा आइपुग्‍नु भएका प्रधानमन्त्री प्रचण्ड बिहान ९ बजे काठमाडौ आइपुग्‍नु हुने उहाँको सचिवालयले जनाएको छ ।

प्रधानमन्त्री प्रचण्ड नेपाली प्रतिनिधिमण्डलको नेतृत्व गर्दै यही माघ ४ गते युगाण्डा प्रस्थान गर्नुभएको थियो ।

प्रधानमन्त्री प्रचण्डले गत शुक्रबार युगाण्डा सम्मेलनलाई सम्बोधन गर्नुभएको थियो । युगाण्डा भ्रमणमा रहँदा प्रधानमन्त्री प्रचण्डले त्यहाँ रहेका नेपाली समुदाय र अन्य देशका शीर्ष नेताहरुसँग पनि भेटवार्ता गर्नुभएको थियो ।