धनगढी । धनगढी हाफ म्याराथनमा नेपाल आर्मीका प्रथम र दोस्रो भएका छन्। ‘अब धनगढी दौडिन्छ‘ भन्ने मूल नाराका साथ नयाँ वर्षमा हुने जेसिज एभरेष्ट धनगढी हाफ म्याराथन २०२३मा  नेपाल आर्मीका प्रथम र दोस्रो भएका हुन्।

प्रथममा मुकेशबहादुर पाल १ घन्टा ४ मिनेट ४८ सेकेन्ड, द्वितीय नरेन्द्रसिंह रावल १ घन्टा ७ मिनेट २३ सेकेन्ड र तेस्रो सन्तोषबिक्रम बिष्ट भएका छन्।

प्रथम र दोस्रो नेपाल आर्मीका धावकपनि हुन्। धनगढी रंगशालाबाट सुरु हुने म्याराथनको खुला दौड अन्तर्गत २१.१ किलोमिटर दौडमा प्रथमलाई नगद ५५ हजार ५ सय ५५, द्वितीयलाई ३३ हजार ३ सय ३३ र तृतीयलाई २२ हजार २ सय २२ नगद पुरस्कार प्राप्त गरेका छन्। प्रत्येक वर्ष झै यस नयाँ वर्ष २०८० को अवसरमा धनगढी जेसिजले म्याराथनको आयोजना गरेको थियो।