धनगढी । धनगढीको नवजीवन अस्पताल आफ्नो २०औं वार्षिकोत्सवको अवसरमा शल्यक्रिया सेवामा छुट दिने भएको छ। अस्पतालले वार्षिकोत्सवको अवसरमा मंसिर १ गतेदेखि फागुन १७ गतेसम्म शल्यक्रिया सेवामा छुट दिने भएको हो।

सामाजिक उत्तरदायित्व अन्तर्गत अस्पतालले साधारण तथा ल्यापरोस्कोपिक शल्यक्रियाको विद्यमान दरमा २५ प्रतिशतको विशेष छुट प्रदान गरिने अस्पतालका कार्यकारी निर्देशक चक्र खडायतले जानकारी दिए।

उनले मंसिर १ गते देखि फाल्गुन १७ गतेसम्म लागु हुने गरी पित्तथैलीको पत्थरी, हर्निया, पाइल्स, फिस्टुला, बच्चाको हर्निया, बच्चा र बयस्कको हाइड्रोसिल, स्तनको गाँठागुठी, शरीरका अन्य भागका गाँठागुठी र सर्कमसिजनको शल्यक्रियामा सहुलियत दिने बताए।