अत्तरिया । कैलाली र बैतडीबाट सवारी ज्यान र हाँडनाता करणी मुद्दाका फरार प्रतिवादी पक्राउ परेका छन । जिल्ला अदालत कैलालीले सवारी ज्यान मुद्दामा ३ बर्ष कैद सजाय र ३० हजार जरिवाना तोकिएका बैतडीको डिलासैनी गाउँपालिका – ६ गोकेलेश्वरका ३७ वर्षीय सुरेन्द्र सिंह माल पक्राउ परेका छन ।

उनलाई शनिबार जिल्ला प्रहरी कार्यालय कैलालीबाट खटिएको प्रहरी टोलीले धनगढी उपमहानगरपालिका – ३ सहिद गेटबाट पक्राउ गरेको हो ।

यस्तै जिल्ला अदालत बैतडीको फैसलाले हाँडनाता करणी मुद्दामा १ बर्ष कैद सजाय तोकिएका सिगास गाउँपालिका – ९ बजाडकी २६ वर्षीया राजमती धामी पक्राउ गरेको छ ।

उनलाई प्रहरी चौकी गाँजरीबाट खटिएको प्रहरी टोलीले घरबाटै पक्राउ गरेको प्रदेश प्रहरी कार्यालय धनगढीले जनाएको छ ।