धनगढी । कैलालीबाट प्रहरीले ६ जना जुवाडे पक्राउ गरेको छ । गयराती साढे १ बजेको समयमा भजनी नगरपालिका १ भजनी बजारमा ४४ वर्षीय को राजु चौधरीले सञ्चालन गरेको मोनिस्का होटलबाट ६जुवाडे पक्राउ परेका हुन ।

गोप्य सूचनाको आधारमा खानतलासी गर्दा होटलको दोस्रो तलामा जुवा तास खेलिरहेको अवस्थामा सञ्चालक चौधरी सहित ६ जना पक्राउ परेको प्रदेश प्रहरी कार्यालय धनगढीले जनाएको छ ।

उनीहरूको साथबाट ८३ हजार रुपैयाँ नगद र २ गड्डी तास बरामद गरिएको छ । उनीहरूलाई इलाका प्रहरी कार्यालय भजनीबाट खटिएको प्रहरी टोलीले पक्राउ गरेको थियो ।