धनगढी । धनगढीमा सुदूरपश्चिमाञ्चल क्याम्पसको विद्यार्थी परिषद्को आयोजनामा क्याम्पस स्तरीय भलिबल प्रतियोगिता हुने भएको छ ।

''स्वास्थ्यका लागि खेलकुद, राष्ट्रका लागि खेलकुद'' भन्ने नाराका साथ माघ २२ गते देखि २५ गते सम्म चौथो संकरणको भलिबल प्रतियोगिता हुने भएको हो । 

प्रतियोगितामा प्रथम हुने टिमले १ लाख १ हजार १०५ , द्वितीय हुनेले टिमले ५० हजार ५५५, तृतीय हुने टिमले २५ हजार ५५५ रुपियाँ पुरस्कार पाउने सुदूरपश्चिमाञ्चल क्याम्पस विद्यार्थी परिषद्का अध्यक्ष कृष्ण पुजाराले जानकारी दिए । 

उनका अनुसार माघ २० गते सम्म क्याम्पसहरूले टिम दर्ता गर्न सक्ने छन् भने टिम दर्ता गर्दा ९ हजार शुल्क लाग्ने छ । थप जानकारीका लागि सम्पर्क नं ९८४८८६७२७६, ९८६६२२६४६९ तथा ९८०१७५१६८० मा सम्पर्क गर्न सकिने छ ।