काठमाडौँ । कीर्तिपुरको  उपनिर्वाचनका कारण नेपाल प्रिमियर लिग एनपीएलका आज हुने खेल स्थगित गरिएको छ। किर्तिपुरस्थित त्रिवि क्रिकेट मैदानमा जारी एनपीएलको आजको खेल किर्तिपुरको उपनिर्वाचनका कारण स्थगित गरिएको हो। 

उपनिर्वाचनका कारण त्रिभुवन विश्वविद्यालयको अध्ययन अध्यापन पनि आज प्रभावित भएको छ।  त्रिविको केन्द्रीय कार्यालयलगायत सबै निकायहरूमा विदा गरिएको  सूचना मार्फत जानकारी दिइएको छ। 

एनपीएलको नयाँ तालिका अनुसार भोलि बिहान ९ बजे काठमाडौं गुर्खाज र चितवन राइनोज भिड्दैछन्। त्यस्तै दिउँसो १ बजे जनकपुर बोल्ट्स र कर्णाली याक्सबीच खेल हुनेछ।

शनिबारदेखि सुरु भएको खेलमा ८ टिमको सहभागिता रहेको छ। हिजो भएको उद्‌घाटन खेलमा जनकपुरले विराटनगर किङ्ग्सलाई ८ विकेटले पराजित गरेको थियो।