धनगढी । कैलालीको धनगढी उपमहानगरभित्रका मुख्यमुख्य सडक अब सहरी सडकको रुपमा निर्माण गरिने भएको छ। उपमहानगरपालिकाले सहरी सडक निर्माणका लागि आवश्यक प्रक्रिया अघि बढाएको हो।

धनगढी उपमहानगरपालिकाका १९ वडाभित्रका मुख्यमुख्य सडक सहरी सडकको रुपमा विकास गर्न अध्ययनको काम अघि बढाइएको छ। उपमहानगरभित्रका १९ वटै वडाभित्रका मुख्यमुख्य सडक स्तरोन्नती गरी सहरी सडकको रुपमा विकास गर्न अहिले विस्तृत ईन्जिनियरिङको काम भइरहेको उपमहानगरले बताएको छ।

सहरी सडक निर्माणका लागि विस्तृत ईन्जिनियरिङ अध्ययन प्रतिवेदन (डीपीआर) तयार गर्न सर्वेको काम सुरु गरिएको छ। ‘हाम्रो धनगढी हामी बनाउँछौँ’ अभियानसहित सहरी सडक निर्माणका लागि प्रारम्भिक कामको सुरुवात गरिएको छ।

धनगढीको सहरी सौन्दर्यता बढाउने गरी १९ वटै वडाभित्रका मुख्यमुख्य सडकको स्तरोन्नती गरी सहरी सडकको रुपमा विकास गर्न लागेको उपमहानगरपालिकाले जनाएको छ।

यस कार्यका लागि उपमहानगरले नगरवासीसँग आवश्यक सहयोग र सुझावको अपेक्षा समेत गरेको छ।