धनगढी । डडेल्धुरामा दुई वटा गाडीको ब्रेक फेल भएको छ। जिल्लाको क्रितिपुरमा दुई वटा गाडीको ब्रेक फेल भएको हो।

डडेल्धुरा प्रहरीका अनुसार बिहिवार बिहान सु प्र प्र ०१००१ ख २७८३ नम्बरको ट्रक ओरालोमा ब्रेक फेल भएर डिलतिरको पिल्लरमा ठोक्किएको थियो।

आज बिहान नै सोही स्थानमा सु प्र प्र ०१००२ त ६५०७ नम्बरको ट्याक्टरको समेत ब्रेक फेल भएको छ।

दुवै सवारी साधन सडकमा रहेकाले भीमदत्त राजमार्ग बन्द भएको छ। सडक सुचारु गर्ने प्रयास भइरहेको जिल्ला प्रहरी कार्यालय डडेल्धुराले जनाएको छ।