धनगढी । कैलाली जिल्ला क्रिकेट संघको आयोजनामा कैलाली यु १६ अन्तर विद्यालय क्रिकेट च्याम्पियनशिप २०८१ प्रतियोगिताको सुरु भएको छ । कैलाली जिल्ला क्रिकेट संघका अध्यक्ष एवम् नेपाल क्रिकेट संघका केन्द्रिय सदस्य विक्रम विष्टको अध्यक्षतामा सुर भएको प्रतियोगितामा फाप्ला अन्र्तराष्ट्रिय खेल ग्राम पूर्वाधार विकास परियोजनाका अध्यक्ष शुवास शाही प्रमुख अतिथि रहेका थिए ।

कार्यक्रममा कैलाली जिल्ला क्रिकेट संघका पूर्व अध्यक्ष रतन कठायत, सुदूरपश्चिम क्रिकेट विकास समितिका सदस्य वावुराजा श्रेष्ठ, सुदूरपश्चिम क्रिकेट विकास समितिका छनौट समितिका प्रमुख श्री दिपेन्द्र भण्डारी, कैलाली जिल्ला क्रिकेट संघका सम्पूर्ण पदाधिकारीहरुका उपस्थिति रहेको थियो ।

 सुदूरपश्चिम प्रदेशको क्रिकेट विकासका लागि अतिनै महत्वपूर्ण भुमिका निर्वाहा गर्ने फाप्ला खेल मैदानको डिपिआरको काम सम्पन्न भई सकेको र आगामी तिन वर्ष भित्र यसै मैदानमा नेपालको राष्ट्रिय खेल फाप्ला क्रिकेट रंगशालामा खेलाउने फाप्ला खेलग्राम पूर्वाधार विकास समितिका अध्यक्ष शाही प्रतिवद्धता व्यक्त गरे ।

साथै कैलाली जिल्ला क्रिकेट संघले एकपछि एक गर्दै विभिन्न उमेर समुहको क्रिकेट प्रतियोगिता गर्दै आईरहेकोमा धन्यवाद दिदै यसै गरी सुदूरपश्चिम प्रदेशका नौ वटै जिल्लाले प्रतियोगिता गर्नेहो भने सुदूरपश्चिम प्रदेश नेपाली क्रिकेटको हव वन्ने कुरामा जोड दिए । 

 कैलाली जिल्ला क्रिकेट संघको तर्फवाट जिल्लामा क्रिकेट खेलाडीहरुको उत्पादन गर्नेहो भने धेरै भन्दा धेरै क्रिकेट प्रतियोगिता आयोजना गर्नुपर्ने र त्यस कार्यका लागि जिल्ला संघ निरन्तर लागिरहने कैलाली जिल्ला क्रिकेट संघका अध्यक्ष विक्रम विष्ट प्रतिवद्धता व्यक्तगरे । कार्यक्रमको संचालन संघका सदस्य श्री पदम ब. सिंहज्यूले गर्नुभएको थियो ।