धनगढी । जिल्ला प्रशासन कार्यालय कैलालीमा आयोजित जिल्लास्थित सूचना अधिकारी र पत्रकारहरूसँगको अन्तरक्रिया कार्यक्रममा माग गरेका सूचनाहरू समयमै उपलब्ध गराउन प्रमुख जिल्ला अधिकारी गोगनबहादुर हमालले निर्देशन दिएका छन् । उनले माग गरेका सूचनाहरू समयमै उपलब्ध गराउन सूचना अधिकारीहरूलाई निर्देशन दिएका हुन् ।

‘आफ्नो कार्यालयले गरेका काम र सूचनाहरू समयमै हामीले प्रवाह गर्नुपर्दछ,’ उनले भने, ‘त्यसो गर्दा समयको बचत पनि हुन्छ, तपाईंसँग भएको र माग गरेको सूचना समयमै दिनुहोस्।’ नेपालको कानून बमोजिम नै समयमै सूचना उपलब्ध गराउनुपर्ने व्यवस्था रहेको पनि उल्लेख गरे। सूचना प्राप्त गर्नु नागरिकको नैसर्गिक अधिकार भएको बताए ।

प्रजिअ हमालले सूचना दिने र लिने कामलाई सहज बनाउनुपर्नेमा जोड दिए। सूचना अधिकारी नियुक्त भइसकेपछि उसले कार्यालयका सबै सूचनाबारेमा जानकार रहनुपर्ने बताए। कार्यक्रममा जिल्लास्थित विभिन्न कार्यालयका साथै स्थानीय तहका सूचना अधिकारी र पत्रकारहरूको उपस्थिति रहेको थियो।