अत्तरिया । कैलालीको गोदावरी नगरपालिकाले आज स्थानीय बिदा दिएको छ । नगरपालिकाले एक सूचना जारी गर्दै माघ २ गते थारु समुदायको नयाँ वर्ष तथा माघी पर्वको उपलक्ष्यमा बिदा दिने निर्णय गरेको जनाएको छ ।

सूचनामा गोदावरी नगरपालिका, नगर कार्यपालिकाको कार्यालय तथा मातहतका कार्यालय (अत्यावश्यक सेवा बाहेक) र शैक्षिक संस्थाहरूमा स्थानीय बिदा दिइएको उल्लेख छ ।

यसअघि पुस २९ गते प्रदेश सरकारले बिदा दिएको थियो भने माघ १ गते सङ्घीय सरकारले बिदा दिएको थियो । माघ २ गते स्थानीय बिदा भएपछि गोदावरीमा लगातार तीन दिन बिदा हुने भएको छ ।