काठमाडौं  । हाल तराईंका धेरै स्थानमा हुस्सु र कुहिरो लागेको  छ ।

दिउँसो हिमाली तथा पहाडी क्षेत्रमा आंशिक बदली रही बाँकी भेगको मौसम मुख्यतया सफा रहने मौसम पूर्वानुमान महाशाखाले जनाएको छ । 

महाशाखाका अनुसार राति पनि आंशिक बदलीदेखि मुख्यतया मौसम सफा रहने छ। 

बागमती, गण्डकी र सुदूरपश्चिम प्रदेशमा आंशिक बदलीको सम्भावना छ । अन्य स्थानमा मौसम सामान्यतया सफा रहनेछ । हाल देशमा पश्चिमी वायुको सामान्य प्रभाव रहेको छ।

हुस्सु र कुहिरो लागेको ठाउँमा सवारी साधन चलाउँदा सावधानी अपनाउन महाशाखाले अनुरोध गरेको छ ।