कञ्चनपुर । कञ्चनपुरबाट प्रहरीले लागू औषध चरेशको कारोबारी एक वृद्ध र खरिदकर्ता एक किशोरलाई पक्राउ गरेको छ ।

बिहिबार लागू औषध चरेशको कारोवार भईरहेको भन्ने सूचनाको आधारमा खटिएको प्रहरी टोलीले भीमदत्त नगरपालिका – ६ ऐठपुर नवदुर्गा मार्गबाट ७२ वर्षीय प्रमानन्द भट्ट र १८ वर्षीय किशोरलाई पक्राउ गरेको हो ।

प्रदेश प्रहरी कार्यालय धनगढीका अनुसार प्रहरीले भट्टको कोठाबाट लुकाई छिपाई राखेको अवस्थामा १ किलो ४७० ग्राम लागू औषध चरेश जस्तो देखिने कालो पदार्थ बरामद गरेको थियो । 

प्रहरीले सोही ठाउँमा चरेश खरिद गर्न गएका भीमदत्त नगरपालिका – ४ का १८ बर्षिय किशोरलाई पनि जिल्ला प्रहरी कार्यालय कञ्चनपुर र वडा प्रहरी कार्यालय महेन्द्रनगरबाट खटिएको प्रहरी टोलीले नियन्त्रणमा लिएको जनाएको छ ।