धनगढी ।  कैलालीको गोदावरीमा भएको मोटरसाइकल दुर्घटनामा ज्यान गुमाउने व्यक्ति कमेडी च्याम्पियन सिजन ३ का सहभागी हिक्मत महरा भएको पुष्टि भएको छ।

मंगलबार साँझ गोदावरी मन्दिर जाने बाटो नजिक म २ प ९११७ नम्बरको मोटरसाइकल अनियन्त्रित भएर दुर्घटना हुँदा चालक कञ्चनपुरको शुक्लाफाटा नगरपालिका – १ घर भइ हाल गोदावरी – ४ मा बस्दै आएका अन्दाजी ३५ वर्षीय हिक्मत महराको मृत्यु भएको हो ।

गोदावरीबाट अत्तरिया तर्फ आउने क्रममा मोटरसाइकल अनियन्त्रित भएर दुर्घटना हुँदा घाइते भएका महराको सेती प्रादेशिक अस्पताल धनगढीमा उपचारका क्रममा मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाले जनाएको छ ।