शनिबार, ०८ मङि्सर २०८१
कञ्चनपुरमा बस दुर्घटना, ३६ जना घाइते
धनगढी । कञ्चनपुरमा बस दुर्घटना हुँदा ३६ जना घाइते भएका छन् । पूर्वपश्चिम राजमार्ग अन्तरगत शुक्लाफाँटा नगरपालिका-११ काे बनहरा पुल नजिकै ना४ ख ७५५५ नम्बरको बस दुर्घटना हुँदा ३६ जना घाइते भएका हुन् ।
घाइतेमध्ये दुई जनाको अवस्था गम्भीर रहेको कंचनपुरका डीएसपी उमेश जोशीले जानकारी दिए । उनका अनुसार उनीहरुको माया मेट्रो अस्पताल धनगढी र बाकीको महाकाली प्रादेशिक अस्पतालमा उपचार भइरहेको छ ।
दुर्घटनामा परेको बस धनगढीबाट नेपाल कम्युनिस्ट पार्टीकाे भेलामा सहभागी भएर फर्किरहेका विद्यार्थी र नेता बाेकेकाे बुझिएको उनले बताए ।
शनिबार ०८, मङि्सर २०८१ १९:१३
प्रतिक्रिया