काठमाण्डौ । शिख धर्मावलम्बीले आज शिख धर्मका प्रवर्तक गुरुनानकको जन्मजयन्ती विभिन्न कार्यक्रम गरी मनाउँदैछन् । हरेक वर्ष कात्तिक शुक्ल पूर्णिमाका दिन गुरुनानकको जन्मजयन्ती मनाउने गरिन्छ ।

गुरुनानकको जन्म १५२६ साल कात्तिक शुक्ल पूर्णिमाका दिन अर्थात् सन् १४६९ अप्रिल १५ मा पाकिस्तानको पञ्जाब प्रान्तमा भएको थियो । शिख धर्म ग्रन्थ ‘गुरु ग्रन्थ साहिब’ को रचना गरेका उहाँले जातिवादको अन्त्य गरी मानवतावादी दर्शनको सुरुआत गराएको मानिन्छ ।

गुरुनानक जयन्तीका अवसरमा पशुपतिमा रहेको भष्मेश्वर, ज्ञानेश्वर र थापाथलीमा रहेको गुरुनानक मठमा तथा पवित्रस्थल गुरुद्वारमा विशेष पूजा एवम् विभिन्न धार्मिक तथा सामाजिक कार्यक्रम गरी मनाउने गरिन्छ ।