धनगढी । कैलालीको गौरीगंगा नगरपालिका –१ चौमालामा रहेको पी सी कम्प्युटर एन्ड इन्स्टिच्युटले देउसी भैलोबाट संकलन भएको पौषबाट न्यानो कपडा र खाद्यान्न सहयोग गरेको छ ।

गोदावरी नगरपालिकामा रहेको महिला तथा बालबालिका सेफ हाउसलाई देउसी भैलो खेलेर ३० हजार धनराशि बराबरको सामग्री सहयोग गरिएको हो । 

विगतको वर्षहरूमा पनि देउसी भैलो कार्यक्रमको आयोजना गरी सङ्कलीत रकम विभिन्न सामाजिक संस्थाहरू, विपन्न वर्ग, असहाय, अशक्तलाई सहयोग गर्दै आइरहेको छ ।

पी सी कम्प्युटरले संस्कृतिको जगेर्ना पनि भइरहने अर्कोतिर सामूहिक सामाजिक कार्यको बुलन्द उदाहरण बन्न सकिने भएकोले यस कुशल कार्यलाई निरन्तरता दिइरहेको कुरा उक्त इन्स्टिच्युटका सञ्चालक प्रदेशु चौधरीले बताएका छन ।