शुक्रबार, १६ कार्तिक २०८१
डडेल्धुरामा मोटरसाईकल दुर्घटना हुँदा एक जनाको मृत्यु
डडेल्धुरा । डडेल्धुरामा मोटरसाईकल दुर्घटना हुँदा एक जनाको मृत्यु भएको छ।
जिल्लाको परशुराम नगरपालिका-६ छेला स्थित बा०२-०२२ प २१४५ नम्बरको मोटरसाईकल आफै अनियन्त्रित भई पल्टिदा सोही ठाउँ बस्ने मोटरसाइकल चालक भुपेन्द्र भट्ट गम्भिर घाईते भएका थिए।
भुपेन्द्रलाई उपचारको लागि जोगबुढा अस्पताल जोगबुढा लगिएकोमा उपचारको क्रममा उनको मृत्यु भएको जिल्ला प्रहरी कार्यालय डडेल्धुराले जनाएको छ।
यस्तै मोटरसाइकलमा पछाडी सवार सोही ठाउँ बस्ने २० वर्षीय सिद्धराज भट्ट घाइते भएका छन्। सिद्धराजलाई जोगबुढा अस्पताल जोगबुढा हुँदै थप उपचारको लागि धनगढी रिफर गरेको डडेल्धुरा प्रहरीले जनाएको छ।
बिहिबार १५, कार्तिक २०८१ ०९:४८
प्रतिक्रिया