धनगढी । धनगढीका एक युवकको सवारी दुर्घटनामा मृत्यु भएको छ ।

आइतबार राति सवा १ बजेतिर गोदावरी नगरपालिका– १ धनगढी रोड पाठक पेट्रोल पम्प नजिकै रोकिएको ना ४ ख ९६३ नम्बरको ट्रकमा से ५ प ५८२७ नम्बरको मोटरसाईकल ठोक्किएको थियोे ।

उक्त दुर्घटनामा गम्भीर घाइते भएका मोटरसाईकल चालक धनगढी उपमहानगरपालिका-२ भन्सार रोड बस्ने अन्दाजी २९ वर्षीय कैलाश थापाको मृत्यु भएको जिल्ला प्रहरी कार्यालयका प्रवक्ता प्रहरी नायब उपरीक्षक कबिन्द्रसिंह बोहोराले जानकारी दिए ।

उनकाअनुसार थापालाई उपचारका लागि सेती प्रादेशिक अस्पताल पठाइएकोमा उपचारका क्रममा मृत्युु भएको हो ।

मोटरसाईकल पछाडि सवार सोही ठाउँ बस्ने २५ वर्षीय भुपेश पाल घाइते छन् । उनको पद्मा अस्पतालमा अत्तरियामा उपचार जारी छ ।

ट्क र चालक बझाङको बित्थडचिर गाउँपालिका( २ का भरत बोहोरालाई प्रहरीले नियन्त्रणमा लिएको छ ।