धनगढी । कैलालीको धनगढी उपमहानगरपालिका–१६ स्थित बेहडाबाबा मन्दिर क्षेत्रमा मदिराजन्य, प्लाष्टिकजन्य सूर्तीजन्य पदार्थ बिक्रीवितरण गर्न निषेध गरिएको छ।

धनगढी उपमहानगरपालिकाले सोमबार एक सूचना जारी गर्दै बेहडाबाबा मन्दिरमा असार १ देखि ५ गतेसम्म गंगादशहरा पर्वको अवसरमा धार्मिक मेला लाग्ने भएकाले मेला अवधिभर चार किल्ला भित्रको क्षेत्रमा मदिराजन्य पदार्थ बिक्रीवितरण गर्न निषेध गरिएको जनाएको हो।

साथै मेला क्षेत्रमा प्लाष्टिकजन्य झोला, फुलमाला, ध्वजा पटाका र सूर्तिजन्य पदार्थ आदि प्रयोग एवं बिक्री वितरण गर्न समेत निषेध गरिएको उक्त सूचनामा उल्लेख छ। सूचनाको कोहीकसैले बर्खिलाप गरेमा कानून बमोजिम कारबाही गरिने पनि उपमहानगरपालिकाले जनाएको छ।