आइतबार, ०९ मङि्सर २०८१
धनगढी उड्न लागेको श्री एयरलाइन्सको जहाज धावनमार्गबाटै फर्काइयो
काठमाडौं । काठमाडौंबाट धनगढी उड्न लागेको श्री एयरलाइन्सको जहाज धावनमार्ग नजिकैबाट पुनः पार्किङमा फर्काइएको छ ।
श्री एयर धनगढीका ईञ्चार्ज गजेन्द्र शाहीले एसएचए २२१ उडान नम्बरको ९ एनएएनएस जहाज धावनमार्ग फर्काइएको बताए ।
प्राबिधिक कारणले उड्नु अघि नै जहाज पार्किङमा फर्काइएको बताईएको छ ।
जहाजभित्र इन्धनको गन्ध आएको र थप प्राविधिक परिक्षणका लागि जहाज फिर्ता बोलाइएको स्रोतले जनाएको छ ।
विमानस्थलको तालिका अनुसार जहाज काठमाडौं बाट ८:२५ मा उडिसक्नु पर्ने थियो ।
उक्त जहाजमा रहेका यात्रुहरुलाई अर्को जहाजबाट धनगढी पठाउने तयारी भईरहेको श्री एयरले जनाएको छ ।
आइतबार २०, जेठ २०८१ १०:१२
प्रतिक्रिया