टी–२० लिगको स्पट फिक्सिङमा ‘१० जनाको संलग्नता’: ४ नेपाली, ६ जना विदेशी

१० माघ २०७९, मङ्गलवार

काठमाडौं, १० माघ । नेपाल टी–२० लिग क्रिकेट प्रतियोगिताको स्पट फिक्सिङमा १० जनाको संलग्नता देखिएको छ। फिक्सिङ प्रकरणको अनुसन्धान गरिरहेको प्रहरीको केन्द्रीय अनुसन्धान ब्यूरो (सीआईबी)ले नेपाली र विदेशी गरी १० जनाको संलग्नता रहेको जनाएको छ। 

सीआईबीले मंगलबार पत्रकार सम्मेलन गरी स्पट फिक्सिङमा नेपाली ४ जनाको संलग्नता रहेको बताएको छ। यस्तै, ६ जना विदेशीको संलग्नता रहेको देखिएको जनाएको छ। 

स्पट फिक्सिङमा संलग्न नेपालीमध्ये १ जना खेलाी छन्। ३ जना अन्य व्यक्ति रहेका सीआईबीले जनाएको छ। यस्तै, ६ जना विदेशीमध्ये १ जना खेलाडी, ४ जना व्यवस्थापक र १ जना बाहिरी व्यक्ति संलग्न रहेको जनाइएको छ। 

स्पट फिक्सिङको प्रकरणमा सीआईबीले हालसम्म २ जनालाई पक्राउ गरेको छ। पूर्व राष्ट्रिय क्रिकेटर ४१ वर्षीय मेहबुब आलम र राष्ट्रिय क्रिकेट टोलीका सदस्य, २० वर्षीय मोहम्मद आदिल आलम (अन्सारी) पक्राउ परेका छन्। 

उनीहरुमाथि अनुसन्धान चलिरहेको सीआईबीले जानकारी दिएको छ। 

Share This:
No News Were Available