धनगढी । अछाममा महिनावारी बारेर खेतबारीमा पाल टागेर सुतेको अवस्थामा ढुङ्गा लागेर दुई जनाको मृत्युु भएको छ ।

पञ्चदेवल विनायक नगरपालिका– ८ सेलापानीमा घर नजिकै खेतबारीमा त्रिपाल टागेर सुतिरहेको अवस्थामा खसेको ढुङ्गा लागेर ७ वर्षीय बालिका कविता भण्डारी र ३५ वर्षीय निम खनालको मृत्युु भएको प्रहरीले जनाएको छ । 

उनीहरू दुवै जनाको घटनास्थलमै मृत्युु भएको हो । सँगै सुतिरहेकि  मृतक बालिकाकी आमा ३६ वर्षीया रत्ना भण्डारी भने गम्भीर घाइते भएकी छन् । उनलाई उपचारका लागि बारला स्वास्थ्य चौकि पठाइएको छ ।

पञ्चदेवल विनायक नगरपालिका–८ का वडा अध्यक्ष छत्रबहादुर शाहीले महिनावारी बारेर दुवै जना महिला त्रिपालमुनी सुतेका थिए । 

बिहीबार उनीहरूलाई महिनावारी भएको पाँच दिन पुगेको थियो । मृतक खनाल र भण्डारी दुवै जना माइतीघरमा आएर छाउ भएपछि त्यहाँ सुतेका थिए ।

भण्डारीकि ७ वर्षीया छोरी आमाको मायाले बिहीबार उनीहरूसँगै त्रिपालमुनी सुतेकी थिईन् । घटनाबारे थप अनुसन्धान भइरहेको प्रहरीले जनाएको छ ।