धनगढी । डडेल्धुराको नवदुर्गा गाउँपालिका–५ को चौडमा बिहीवार बिहान भएको जीप दुर्घटनामा परेका चार मध्ये तीन जनाको धनगढीको माया मेट्रोमा उपचार भईरहेको छ । तीनै जनाको अहिले आईसीयूमा उपचार भईरहेको हस्पिटलका पिआर म्यानेजर जगत महताले जानकारी दिएका छन् ।  

उनका अनुसार एक जना घाईतेको भने मृत्यु भएको जनाएको छ । डडेल्धुराबाट धनगढी ल्याउने क्रममा बिच बाटोमै मृत्यु भएको अस्पतालका चिकित्सकले घोषणा गरेका थिए । मृत्यु हुनेमा ४७ बर्षीय गणेश साउद रहेका छन् ।  

हस्पिटलका पिआर म्यानेजर महताका अनुसार १६ बर्षिय सुशिला बिक, ४८ बर्षिय चन्द्र बहादुर साउद र ३८ बर्षिय प्रकास बिकको उपचार भईरहेको छ । 

सुशीलाको टाउकोमा चोट रहेकाले आइसियूको भेन्टिलेटर,  चन्द्रसिहँको दुबै खुट्टाको तीन ठाउमा भाँचिएको र टाउको सामान्य चोट भएकाले आइसियूमा र  प्रकाशको  टाउको,मेरुदण्डमा चोट र हातमा सामान्य चोट भएकाले आइसियूमा उपचार भईरहेको छ ।