धनगढी । द रिभर ओभरसिजको धनगढीमा शाखा उद्घाटन भएको छ । काठमाण्र्डौको बत्तीसपुतली सडकमा हेड अफिस रहेको द रिभर ओभरसिजले धनगढीमा शाखा बिस्तार गरेको हो ।

 

१० वर्ष बढी समयदेखि सेवा दिइरहेको द रिभर ओभरसिजको धनगढी शाखाको नेपाल तालीम तथा रोजगार व्यवसायी महासंघका सुदूरपश्चिम प्रदेश अध्यक्ष प्रमोद पाठकले उद्घाटन गर्नुभयो ।

 

शाखाको उद्घाटन गर्दै प्रदेश अध्यक्ष प्रमोद पाठकले विश्वसनियतालाई कायम गर्दै यहाँका अधिकांश युवाहरुलाई दक्ष बनाएर विदेश पठाउन आग्रह गर्नुभयो ।

 

कार्यक्रमका विशिष्ट अतिथी नेपाल पत्रकार महासंघ कैलालीका अध्यक्ष श्रवण देउवाले सिप सिकेर मात्र विदेश जान आग्रह गर्नुभयो । अध्यक्ष देउवाले शिप सिकेर वैदेशिक रोजगारीमा गएको खण्डमा श्रमको उचित मूल्य पाउने बताउनुभयो ।

 

 

उद्घाटन समारोहमा बोल्दै द रिभर ओभरसिजका शाखा प्रबन्धक मनिराज खतिवडाले मेनपावर भन्ने बित्तिकै सबै जनामा अलि नराम्रो धारणा भएपनि आफ्नो क्षेत्रबाट बैदेशिक रोजगारीमा जानेहरु दुःख नपाउने गरी, शिप सही ठाउँमा प्रयोग हुने किसिमले लगानी र मेहेनत खेर नजाने किसिमले सुरक्षित तरिकाले पठाउने प्रतिवद्धता जनाउनुभयो ।

 

सन्तोष भट्टराईको अध्यक्षतामा भएको कार्यालयको उद्घाटन समारोहमा स्वागत झुम अधिकारीले गर्नुभएको थियो । धनगढी उपमहानगरपालिका–४, उत्तरवेहडीमा कार्यालय रहेको दर रिभर ओभरसिजको शाखा कार्यालय उद्घाटन समारोको सञ्चालन मञ्जु दाहालले गर्नुभएको थियो