कैलाली । नेपाल रेडक्रस सोसाइटी कैलाली शाखाको सभापतिमा लोकराज जोशी निर्वाचित भएका छन । सोसाइटीको ४९ औं साधारण सभाले भट्टलाई सभापतिमा निर्विरोध निर्वाचित गरेको हो । जोशी यस अघि सोसाइटीको मन्त्री थिए । 

जोशीसंग कैलाली रेडक्रसको महिला उपाध्यक्षमा दीपा बडायक, मन्त्रीमा राकेश हमाल, कोषाध्यक्षमा गोबिन्द प्रसाद जोशी, उपमन्त्री भिम बहादुर महर र उपकोषाध्यक्षमा रंगप्रसाद तिमिल्सिनिना निर्बिरोध निर्वाचित भएको निर्वाचन अधिकृत खडक बहादुर खडकाले बताए । 

त्यस्तै रेडक्रसको उपसभापति र १० खुल्ला सदस्यका लागि भने निर्वाचन भएको निर्वाचन अधिकृत खड्काले बताए । उपसभापतिमा बल बहादुर रावल निर्वाचित भएका छन । रावलले जगदिश्वर पण्डितलाई पराजित गरेका छन । 

यसैगरि सदस्यहरुमा छत्र बहादुर बम, धौलि कुमारी जोशी (जैशी), मिना कुमारी साउद, टोप बहादुर केसी, मीना कुमारी चौधरी, धर्मराज जोशी, पुस्कर बहादुर मल्ल, तारा साउद, दिनेश कुमार लामिछने र सुरत बहादुर स्वार निर्वाचित भएको निर्वाचन अधिकृत खड्काले बताए । 

यस अघि निबर्तमान सभापति बासुदेव बिनाडीको सभापतित्वमा भएको संघको साधारण सभाको सुदुरपश्चिम प्रदेशका सामाजिक बिकास मन्त्री मेघराज खड्काले उद्घाटन गरेका थिए ।