कञ्चनपुरमा लाइसेन्सको परीक्षा दिने तीन जना नक्कली परीक्षार्थी पक्राउ
कञ्चनपुर । कञ्चनपुरमा सवारी चालक अनुमतिपत्र (लाईसेन्स) को परीक्षामा परीक्षा दिन गएका नक्कली परीक्षार्थी पक्राउ परेका छन्। यातायात व्यवस्था कार्यालय कञ्चनपुरले शनिवार लिएको परीक्षामा परीक्षा दिन गएका नक्कली परीक्षार्थीसहित परीक्षा दिन लगाउने व्यक्ति पनि पक्राउ परेका हुन्।
जिल्ला प्रहरी कार्यालय कञ्चनपुरका अनुसार शनिवार सञ्चालीत परीक्षामा बेदकोट नगरपालिका–६ का सुवास डगौराको नाममा परीक्षा दिने बेदकोट–५ का अस्मित डगौरा र परीक्षा दिन लगाउने सुवास डगौरालाई पक्राउ गरिएको हो।
त्यस्तै आईतबार सवारी चालक अनुमति पत्रकै ट्रायल परीक्षामा सहभागी नक्कली परीक्षार्थीलाई पनि पक्राउ गरिएको प्रहरीले जनाएको छ।
पक्राउ पर्नेमा तत्कालिन दार्चुलाको लटिनाथ गाविस बस्ने सन्तोष बहादुर सिँहको नाममा ट्रायल परीक्षा दिन गएका कञ्चनपुरको भीमदत्त नगरपालिका–६ बस्ने वर्ष १९ का अमरसिँह धामी रहेको जिल्ला प्रहरी कार्यालय कञ्चनपुरका प्रहरी नायब उपरिक्षक चक्रराज जोशीले जानकारी दिए। पक्राउ परेका तिनै जनालाई आवश्यक कारबाही गरिने उनले बताए।
प्रतिक्रिया