कञ्चनपुरमा ४ जना लागूऔषधसहित पक्राउ

  सोमबार १२, फागुन २०८१ ०९:०३

कञ्चनपुर । कञ्चनपुरको बेलौरी र कृष्णपुर नगरपालिकाबाट ४ जना लागूऔषधसहित पक्राउ परेका छन्।

जिल्लाको बेलौरी नगरपालिका–४ बेलौरी बजारमा म १ प ६०३० नम्बरको मोटरसाइकललाई चेकजाँच गर्दा मोटरसाईकल चालक बेलौरी नगरपालिका–७ गणेशपुर बस्ने २४ वर्षीय खुशिराम राना र मोटरसाइकल पछाडी सवार २२ वर्षीय देवराज राना पक्राउ परेका हुन्।

दुवैजनालाई १ दशमलव ४३ ग्राम खैरो हेरोइन र मोटरसाईकलसहित  दुवै जनालाई इलाका प्रहरी कार्यालय बेलौरी र लागू औषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरी टोलीले आइतवार नियन्त्रणमा लिएको छ।

यसैगरी कृष्णपुर नगरपालिका–५ गजरौलाबाट कृष्णपुर नगरपालिका–४ बस्ने २३ वर्षीय दिपेन्द्र बोगटी र २५ वर्षीय डेनी जोशी पक्राउ परेका छन्। यी दुबैलाई ९० मिलिग्राम खैरो हेरोइनसहित इलाका प्रहरी कार्यालय गुलरीया, कञ्चनपुरबाट खटिएको प्रहरी टोलीले नियन्त्रणमा लिई थप अनुसन्धान गरिरहेको छ।

clock सोमबार १२, फागुन २०८१ ०९:०३

प्रतिक्रिया