दार्चुला । दार्चुलामा बैंकमा चोरी गरेको आरोपमा एक युवक पक्राउ परेका छन । मंसिर १८ गते राती दार्चुलाको महाकाली नगरपालिका – ४ खलंगा स्थित सांग्रिला डेभलपमेन्ट बैंक लिमिटेडको शाखा कार्यालय दार्चुलाको झ्याल फोडी चोरी गरेको आरोपमा प्रहरीले एक युवकलाई पक्राउ गरेको हो ।

बिहिबार चोरी गरेको अरोपमा महाकाली नगरपालिका – ४ तल्लासैनका २३ वर्षीय तुसार लुहारलाई पक्राउ गरिएको जिल्ला प्रहरी कार्यालय दार्चुलाले जनाएको छ ।

उनको साथबाट ८४ हजार ५०० नगद र बैंकको ट्याग भएको कार्टुन र सो कार्टुन भित्र रहेको हेड सिसिटिभि क्यामेरा लगायतका सामान बरामद गरिएको प्रहरीको भनाइ छ ।