काठमाडौँ । आजदेखि सरकारी कार्यालय खुल्ने समय एक घण्टा छोटिने भएको छ । जाडोयाममा दिन छोटो हुने भएकोले कार्यालय खुल्ने समय पनि छोटिएको सङ्घीय मामिला तथा सामान्य प्रशासन मन्त्रालयले जनाएको छ ।

कात्तिक १५ गतेदेखि नै सरकारी कार्यालयको समय एक घण्टा छोटिएको थियो । तर, तिहार बिदा परेका कारण आजदेखि सरकारी कार्यालयहरु बिहान १० बजे खुल्ने र बेलुका ४ बजे बन्द हुनेछन् ।

सरकारी कार्यालयहरू माघ १५ गतेसम्म बेलुका ४ बजेसम्म खुल्नेछन् । शुक्रबारको दिन भने ३ बजेसम्म मात्र कार्यालय खुल्नेछ । माघ १६ देखि सरकारी कार्यालयहरू बिहान १० बजेदेखि बेलुका ५ बजेसम्म नै खुल्नेछन् ।

२०७४ चैत १४ मा राजपत्रमा सूचना प्रकाशित गरेर सरकारले यस्तो नियम बनाएको थियो ।