सेवा अवधि १५ वर्ष पुगेको अवसरमा दिवंगत सहकर्मी प्रहरीको परिवारलाई सहयोग

२ चैत २०७८, बुधवार

नेपाल प्रहरीमा १५ वर्षे सेवा अवधि पूरा गरेको अवसर पारेर दिवंगत सहकर्मी प्रहरीको परिवारलाई आर्थिक सहयोग गरिएको छ। सुदुरपश्चिम प्रदेश प्रहरी तालिम  केन्द्र दिपायलमा १ चैत २०६३ मा प्रहरी जवान पदबाट सेवा शुुभारम्भ गरेका प्रहरी कर्मचारीहरुले सामूहिक रुपमा मंगलबार दिवंगत प्रहरी हवल्दार रमेश जोशीको परिवारलाई सहयोग गरेका हुुन्। 

धनगढीको अस्थायी प्रहरी पोष्ट चटकपुरका प्रहरी सहायक निरीक्षक ९असई० टेकेन्द्र जोशीले सेवा प्रवेश गरेको १५औँ वर्षको अवसरमा तालिम केन्द्रमा  सञ्चालित ६५औँ समूहले दिवंगत जोशीका छोरा रिहान जोशीलाई नगद २५ हजार सात सय ३५ रुपैयाँ सहयोग गरिएको जानकारी दिए। उक्त आर्थिक सहयोगले जोशीका छोराको पठनपाठनमा मद्दत पुगाउने विश्वास गरिएको छ। 

धनगढी उपमहानगरपालिका–३ घर भएका जोशीले १५ वर्ष अघि प्रदेश प्रहरी तालिम केन्द्र दिपायलबाट सेवा शुरु गरेका थिए। गत माघ १२ गते उनी आफ्नै घरको कोठामा मृत फेला परेका थिए। जोशी सुदूरपश्चिम प्रदेशको आर्थिक मामिला राज्यमन्त्री माया तामाङ बोहराका पीएसओ अथात् निजी सुरक्षाकर्मीका रुपमा समेत कार्यरत थिए।

Share This:
No News Were Available