धनगढी । कैलालीमा घरमा आगलागी हुँदा आठ लाख बराबरको क्षति भएको छ ।

घोडाघोडी नगरपालिका वडा नम्बर ४ बस्ने खुसिराम चौधरीको काठ र माटोले बनेको जस्ता पाताले छाएको चार कोठे घरको भान्सामा बालेको आगोबाट आगलागी भएको प्रहरीले जनाएको छ ।

आगलागीबाट उनको एउटा बाख्राको जलेर मृत्यु भएको छ भने घर र घर भित्र रहेका रहेका नगद, अन्नपात, लत्ता कपडा, खाद्यान्न लगायतका सामानहरु गरी अन्दाजी आठ लाख बराबरको धनमाल जलेर नष्ट भएको छ ।

मानवीय क्षति भने भएको छैन । स्थानीय, प्रहरी र दमकलको सहयोगमा आगलागी नियन्त्रणमा आलिइएको थियो ।