डोटी । मानवीय सेवामा अनेकौँ प्रयास संस्थाले डोटीका विभिन्न क्षेत्रमा सहयोग गरेको छ । मानवीय सेवामा अनेकौँ प्रयास संस्थाका अध्यक्ष भक्तराज जोशीका अनुसार स्कुल, इलाका प्रहरी कार्यालय र सिलाईकटाईका लागि सहयोग गरिएको हो । 

अध्यक्षका जोशीले पुर्विचौकी गाउँपालिका वडा नं. ५ मा रहेको कॅाडामान्डौ मा. वि.का बाल कक्षा व्यवस्थापनका लागि फर्निचर र स्मार्ट टिभी सहयोग रहेको बताए । उनले यस सहयोगले बालबालिकालाई अध्ययन गर्न सहज हुने आशा व्यक्त गरे । 

यस्तै पुर्विचौकी गाउँपालिका वडा नॅ. ५ कॅाडामान्डौमा महिलाहरूका लागि निःशुल्क सिलाइ कटाइ शुभारम्भ गरेका छन् । घरमा चुलो चौकामा सीमित हुने महिलाहरूलाई यसले स्वरोजगार बन्ने अपेक्षा जोशीको छ । 

अध्यक्ष जोशीले जिल्ला प्रहरी कार्यालय डोटी महिला सेललाई डेस्कटप कम्प्युटर हस्तान्तरण गरेका छन् । जिल्ला प्रहरी कार्यालय डोटीका प्रहरी प्रमुख मार्फत डेस्कटप कम्प्युटर हस्तान्तरण गरेका हुन् । 

उक्त संस्थाले सुदूरपश्चिम प्रदेश लगायत अन्य प्रदेशका पालिकाहरूमा शिक्षा, स्वास्थ्य, आय–आर्जन, कृषि र आपतकालिन क्षेत्रमा निरन्तर जनता माझ प्रत्यक्ष गएर कार्यक्रम गर्दै आएको छ ।