धनगढी । धनगढीमा जारी भुवा प्रतियोगितामा आयोजक बाजुरेली सेवा समाज पहिलो भएको छ । शुक्रबार धनगढी कर्भडलमा भएको भुवा चाली प्रतिस्पार्धामा बाजुरेली समाज धनगढी पहिलो भएको निर्णयक कमिटिका संयोजक लालबहादुर थापाले बताए ।

यस्तै गरी अत्तरिया बडीमालिका समाज, चौकीडाँडा दोस्रो भएको छ । सुर्मादेवी बझाङ सेवा समाज धनगढी र बाजुरा अछाम भुवा समाज चौमाला तेस्रो भएका छन् । प्रतिस्पार्धामा बाजुरा सेवा समाज रामशिखरझाला सुखड सान्त्वना भएको निर्णयक कमिटि संयोजक थापाले बताए ।

प्रतियोगितामा पहिलो हुनेले नगद रु ५० हजार, दोस्रोले रु ३० हजार, तेस्रोले रु १५/१५ हजार पुरस्कार पाउने पाउने छन् । यस्तै सान्त्वना प्राप्त गर्ने टिमले नगद रु १० हजार पाउने निर्णयक कमिटि संयोजक थापाले जानकारी दिए ।

प्रतियोगितामा ५ टिमले भाग लिएका थिए । पुरतस्कृत शनिबार समापन कार्यक्रममा गरिने जनाएको छ ।