डोटी । डोटीमा ट्याक्टर दुर्घटना भएको छ। जिल्लाको जोरायल गाउपालिका –३ चन्कट्टे  स्थित सौनेनी खोलामा ट्याक्टर दुर्घटना भएको हो।

आइतवार साँझ करिब ४ः३० बजेतिर सेला बाट चन्कट्टे तर्फ जाँदै गरेको  से २ प ३६८० नम्बरको ट्याक्टर दुर्घटना हुँदा ३ जना घाइते भएका छन्। 

दुर्घटनामा परेर जोरायल गाउपालिका –३ अवस्थी गाउँका ट्याक्टर चालक विष्णु अवस्थीको दाहिने खुट्टा भाचिएको छ भने अन्य २ जना सामान्य घाइते भएका छन्।

घाइते चालकलाइ  थप उपचारका लागि धनगढी रेफर गरिएको इलाका प्रहरी कार्यालय रावतकट्टे जोरायलका प्रमुख प्रहरी बरिष्ठ नायव निरीक्षक बलभद्र पनेरुले बताए।